簡單。忌廉芝士蘑菇意大利飯
日日收工都要諗下想食咩，出街食定係自己煮？其實都幾煩😅記起屋企還剩一碗仔意大利米，就煮佢啦🍚今晚用咗朋友送的蕃紅花，令整個飯充滿香味及獨有的迷人金黃色，真係睇見都流口水😋
材料:
。意大利米Risotto : 1碗
。大白蘑菇 : 2盒
。雞湯 : 約碗半
。鮮忌廉 : 5湯匙
。白酒 : 3湯匙
。雜錦芝士 : 4湯匙
。蕃紅花 : 半茶匙
。蒜頭 : 3粒，切碎成蓉
煮法:
。先煮沸一小碗上湯，放入蕃紅花，熄火焗備用
。把切片蘑菇用蒜蓉爆香至出水，落鹽及黑椒粉調味，連汁剩起備用！
。用中慢火，落1湯匙油，慢慢炒意大利米至微黃色，將剛才的蕃紅花湯倒入，攪勻並蓋上焗約兩三分鐘至收乾，期間要不停攪拌以防燶底！！
。再放蘑菇連汁入飯，繼續炒拌至收乾！
。落白酒及餘下上湯，並蓋上焗3至4分鐘至收乾！
。最後，落忌廉及芝士拌勻，待忌廉收乾一點就可以上碟！
Search